Sergio Minoia - Amici nella Cultura

Amici nella Cultura
Vai ai contenuti

Menu principale:

Sergio Minoia

El Barbapedana
El me' Pa'

Mi me 'l vedi settà in sul scagn
cont denanz el sò caro banchét
a brigà cont la lesna e 'l martèl
per taccà sott ai scarp el scagnèl.

Poeu el se ferma, el bev un quartin,
salta in pé, brazza su la soa dònna,
quarda in gir, ghe sia mai 'n quai visin
e ghe scappa de sfròs un basin.

Poeu me 'l vedi un sabet de sera
cont i amis giò al bar de “La Pesa”
parla ti, parla mi, sec in bocca,
va a finì l'è la solita ciocca.

Eren propi inscì a chi temp là
tucc i òmen amis del me pa'.
L'important l'era incoeu come allora
che a spettà gh'era a cà la rigiora.
.
 
Copyright 2015. All rights reserved.
Torna ai contenuti | Torna al menu